पुणे, २१ सप्टेम्बर-मराठीच्या नावावर तरुणांना भडकावण्यापेक्षा तुम्हीच त्यांना नोकऱ्या उपलब्ध करून द्या, असा टोला जिल्ह्याचे पालकमंत्री अजित पवार यांनी राज ठाकरे किंवा मनसेचे नाव न घेता लगावला.
राष्ट्रवादी काँग्रेस आणि मॅक्स टेलिकॉम यांच्या सहकार्याने पिंपरी येथील संत तुकारामनगर येथील आचार्य अत्रे सभागृह येथे तरुणांसाठी आयोजित करण्यात आलेल्या तांत्रिक आणि प्रशिक्षण कार्यक्रमाचे उद्घाटन अजित पवार यांच्याहस्ते करण्यात आले. यावेळी आमदार लक्ष्मण जगताप, महापौर अपर्णा डोके आदी उपस्थित होते.
सध्या वाढत्या स्पधेर्त प्रत्येक तरुणाला नोकरी मिळणे अवघड झाले आहे. यासाठी तरुणांनी तांत्रिक शिक्षणाकडेही वळायला हवे असे पवार यावेळी म्हणाले. ज्या क्षेत्रात तुम्हाला यश संपादन करायचे त्यासाठी ध्येय समोर ठेवून कष्ट करण्याची तयारी ठेवली पाहिजे, असा सल्ला त्यांनी दिला.
कोई टिप्पणी नहीं:
एक टिप्पणी भेजें