लखनौ - जयपूर शहरात १३ मे रोजी झालेल्या साखळी बॉंबस्फोटांसंदर्भात शाहबाज हुसैन या संशयित अतिरेक्याला राजस्थान पोलिसांनी सोमवारी अटक केली.
उत्तर प्रदेशातील मौलवीगंज येथून त्याला ताब्यात घेतले. तेथील पोलिसांच्या सहकार्याने राजस्थान पोलिसांनी ही कारवाई केली.
अहमदाबाद येथे २६ जुलै रोजी झालेल्या बॉम्बस्फोटातील मुख्य सूत्रधार अबू बशर याच्याशी हुसैन याचे जवळचे संबंध असल्याचे सांगितले जाते. अबू बशर याला १५ ऑगस्ट रोजी ताब्यात घेण्यात आले होते.
या अटकेमुळे राजस्थान बॉम्बस्फोटाच्या तपासाला आणखी वेग मिळेल अशी पोलिसांना आशा आहे.
कोई टिप्पणी नहीं:
एक टिप्पणी भेजें