हिंगोली, ७ अगस्ट - वसमत-नांदेड मार्गावर निळा पाटीजवळ आठ ते दहा जणांनी लातूर-वसमत या बसच्या (एमएच२०/डी ५६५०) काचा फोडल्या. ही बस निळा पाटीजवळ आली असताना आठ ते दहा जणांनी बससमोर येवून बस थांबवली. त्यानंतर प्रवाशांना खाली उतरवून बसच्या काचा फोडल्या. यामध्ये बसचे आठ हजार रुपयांचे नुकसान झाले.
दरम्यान, मराठा समाजाचा ओबीसीमध्ये समावेश करावा या मागणीसाठी संभाजी ब्रिगेडच्या पदाधिकाऱ्यांनी ही बस फोडल्याचे वसमत पोलिसांनी सांगितले.
घटनास्थळी पोलिस उपअधीक्षक राहूल श्रीरामे, पोलिस निरीक्षक माणिक पेरके, सहायक पोलिस निरीक्षक रवींद्र गायकवाड यांनी भेट दिली. या प्रकरणी चालक सुरेश केंद्रे यांच्या तक्रारीवरून वसमत पोलिस ठाण्यात गुन्हा दाखल करण्याची प्रक्रिया सुरु असल्याचे श्री. पेरके यांनी सांगितले.
कोई टिप्पणी नहीं:
एक टिप्पणी भेजें