नवी दिल्ली- "बिग बॉस' या रिएलिटी शोमध्ये कोण कोण सहभागी होणार, याबद्दलची उत्सुकता संपली आहे। तीन महिने बिग बॉसच्या "काचेच्या घरा'त एकमेकांसोबत राहणाऱ्या चौदा सेलिब्रिटींची नावे जाहीर करण्यात आली आहेत.
कलर्स वाहिनीवरुन प्रसारित होणाऱ्या "बिग बॉस'च्या दुसऱ्या भागात राहुल महाजन, कॉंग्रेस नेते संजय निरुपम, गॅंगस्टर अबू सालेमची मैत्रीण मोनिका बेदी, अभिनेत्री केतकी दवे, "बिग ब्रदर' या शोमध्ये शिल्पा शेट्टीवर वर्णद्वेषी टिप्पणी करणारी जेड गुडी हे सहभागी होणार आहेत.
त्यांच्यासोबत अभिनेत्री राखी विजयन, पायल रोहतगी, संभावना सेठ, मॉडेल जुल्फी सईद, गायक देबोजित सहा, राजा चौधरी, एहसान कुरेशी हे देखील शोमध्ये सहभागी होतील.
हे सर्वजण ८४ दिवस एका खास घरात एकत्र राहतील। या घरात टी.व्ही किंवा टेलिफोनसारख्या सुविधा नसतील. आणि त्यांच्यावर चोवीस तास "बिग बॉस'ची नजर असेल.
अभिनेत्री शिल्पा शेट्टी ही या कार्यक्रमाची सूत्रधार असेल आणि केवळ तीच या स्पर्धकांशी संवाद साधेल.
कोई टिप्पणी नहीं:
एक टिप्पणी भेजें